17 december 2009

hi all
aaj 17 december hai
yani ab ulti ginti shuru ho gayi hai ab 6 din baki hai voting ko
kunkuri me ab sabhi log sirf aur sirf chunav ki charcha me magan hai raat ke 11 kab baj ja raha hai pata hi nahi chalta
kunkuri ke bare me batana chahunga ki yaha 9604 voter hai jo ki 15 wardon me vibhajit hai .
aur kul 8 pratyashi hone se log man kar chal rahe hain ki 2500 ka akda chune wala ummidwar vijayi hoga.

kal kunkuri bus stand me bjp ke kumar dilip singh judeo ne bjp pratyashi shiv kumar bang ke samarthan me sabha li tatha dugdugiya ward no 9 me bjp ke parshad pratyashi sudbal ram ke samarthan me sabha li.
kal 18 ko chhattisgarh ke manister shri brijmohan agrawal ji bhi bjp ke prachar ke liye kunkuri aa rahe hain
yani ki bjp apni satta ka bharpur istemal kar rahi hai aur star pracharko ko bula rahi hai

congree me jogi ji ke aswasth hone ke baad koi star pracharak nahi bacha hai aur jo vidya bhaiya hai aur motilal vora ve ab jyada prabhav chodne me asmarth hai isliye congree bina sabha ke prachar kar rahi hai

kunkuri ki bastiyon ko ghumne par pata chalta hai ki kunkuri me 1 bhi eisa ghar nahi bacha hai jaha congree ke ummidwar gajendra jain ka poster na ho unhone pure nagar ko apne poster aur banner se paat diya hai
bjp dusre namber par hai aur nirdaliya is mamle me kahi bhi nahi (shayad chunav chinh late se mila isliye.)

congress ke star pracharak kunkuri me satyendra jain hai vahi bjp ke vishnu bang ,
tatha chacha , anil aur brijlal rana ji swayam yah jimma uthaye hue hain.
satyendra jain ji to apna ahmadabadi chonga uthakar subah se der raat tak prachar me lage rahte hain aur apko kahi na kahi kisi na kisi gali me takra hi jayenge ve sacche star pracharak hain.

ant me poll karne ke liye dhanyavad keep polling
byeee